Jæja þá er þetta allt að koma

Jæja, loksins loksins en þá fer þetta allt að smella saman hjá mér. En ég er komin með áritun í vegabréfið og flugmiðann út. En ef ég á að segja alveg eins og er, þá var ég nú farin að óttast pínu um að þetta gengi ekki upp. En ýtti þó þeirri hugsun frá mér því það má ekki hugsa svoleiðis heldur.
En það er ýmislegt sem maður lærir í svona aðgerðum, en vissuð þið að maður á eða þarf að fara í þessar sprautur á 10 ára fresti, svona eins og maður var að fá þegar maður var í barnaskóla, stífkrampasprautur og mænueitthvað sprautur og fleira.. hvorki ég né aðrir sem ég var að segja frá þessu höfðu ekki hugmynd um þetta. Svo næst þegar þið farið til læknis þá endilega spurja hann / hana út í þetta.
En ég er búin að vera á þönum út um allan bæ, redda hinu og þessu og ganga frá einhverjum lausum endum. En þó hef ég alltaf gefið mér tíma til að kíkja á strákana mína í kaffi á perunni.
'Astandið í Florida er nú allt að koma til, ég loksins náði í Mirzu vinkonu mína í dag en það eru allir búnir að vera rafmagnslausir og símalausir síðan á laugardag. En skvísan ætlar að sækja mig út á flugvöll á föstudagskvöldið og ætli við verðum bara ekki með hurricane partý, en það er jafnvel von á öðrum fellibylnum þá. Það jafnast ekkert á við gott hurricane party. En ég er farin að hlakka roslalega til að hitta gömlu vinina, þó fæ ég ekki að sjá mikið af þeim því svo þarf ég að rjúka strax til Miami á sunnudagskvöldið og fara í 10 daga þjálfunnar prógram áður en haldið verður út á sjó.